Qaharmandarymyzdy eske alýǵa Almaty qalasy ákiminiń orynbasary Erjan Babaqumarov, qoǵam qaıratkerleri, din ókilderi, Jeltoqsan oqıǵasyna qatysýshylar men olardyń týysqandary qatysty.
Jeltoqsan KSRO-nyń totalıtarlyq, otarshyl saıasatyna qarsy qazaq jastarynyń azattyq kúresi tarıhı mańyzy bar úlken oqıǵa bolǵany sózsiz. Alańdaǵy jastardy toqtatý úshin Almaty qyzmetkerlerine kómekke mılısııa qyzmetkerleri: Frýnzeden 100, Tashkentten 300, Chelıabiden 203, Novosıbırskiden 203, Sverdlovskiden 225, Tbılısıden 450 adam tartylǵan. Manash Qozybaev 1986 jylǵy Jeltoqsan kóterilisin syrly qubylys dep baǵalasa, Elbasy Nursultan Ábishuly Nazarbaev óziniń «Ǵasyrlar toǵysynda» atty eńbeginde: «1986 jylǵy jeltoqsan oqıǵalary qazaq jastarynyń sana-seziminiń qanshalyqty óskendigin kórsetedi. Olar 100 jylǵa jýyq ýaqyt boıy halyqty kazarmalyq tártipte ustap kelgen totalıtarlyq júıeniń aldynda birinshi bolyp aıyldaryn jıǵan joq. Jastar budan ári kez-kelgen ultqa tán ulttyq maqtanysh sezimin qorlaýǵa jol bermeıtinin óz halqynyń atynan ashyq málimdedi» — dep baǵalaıdy. Jeltoqsan kóterilisin qorytyp, qaıta baǵalaýda bizde týyndap otyrǵan negizgi qıynshylyq — «Jeltoqsan oqıǵasynyń» irgeli ǵylymı deńgeıde zerttelmeı otyrǵandyǵy.
1986 jylǵy «Jeltoqsan oqıǵasy» SSSR jetekshiligine Mıhaıl Gorbachev taǵaıyndalyp, Máskeý «qaıta qurý» men «jarııalylyq» saıasatyn ustana bastaǵan kezeńdegi odaq kóleminde bolǵan alǵashqy saıası demonstrasııalardyń biri retinde tarıhta qaldy.