Qazaq-qyrǵyz depýtattarynyń birlesken otyrysy

Qordaı aýylyndaǵy baqylaý-ótkizý pýnktterine barǵannan keıin Májilis jáne Qyrǵyzstan Jogorký Keneshi de­pý­tattarynyń birlesken otyrysy ótti.

Is-sharany ashqan Májilis Tóraǵasynyń orynbasary Vla­dımır Bojko qaralyp otyr­ǵan máseleniń áleýmettik-ekono­mıkalyq baǵytynyń mańyz­dy­lyǵyn atap ótip, elimizdiń jáne kórshi Qyrǵyzstan azamat­tary­nyń eskertýlerine nazar aýdar­dy. Atap aıtqanda, olar sheka­ra ótkizý pýnktterinde, ásire­se jaz mezgilinde, áli kúnge deıin kezdesetin uzaq kezekke sha­ǵymdanýda. Kedendik rásimdeýdiń jáne shekarany baqylaýdyń baıaý júrgizilýi, jemqorlyq, kontrabanda jáne ınfraqurylymnyń tapshylyǵy faktileri de bar.

Otyrys barysynda Ulttyq qaýipsizdik komıteti tór­aǵa­synyń orynbasary-Shekara qyz­meti dırektory Darhan Dil­manov, Indýstrııa jáne ınfra­qu­ry­lymdyq damý, Qarjy mınıstr­likteriniń, sondaı-aq Jam­byl oblysy ákimdiginiń jáne qyr­ǵyz tarapynyń memlekettik organ­darynyń ókilderi baıandama jasady.  

Kezdesýde eki el depýtattary shekaralyq yntymaqtastyqty damy­tý týraly zańnamany jetil­dirý máselelerin talqylady.

Otyrysty qorytyndylaı kele, Májilis vıse-spıkeri V.Boj­­­ko Memleket basshysy Qa­­sym-Jomart Toqaevtyń ústi­miz­degi jyldyń 27 qarasha­syn­da Qyrǵyzstanǵa jasaǵan memle­kettik saparynyń nátıjelerin es­kere otyryp, qyrǵyz tarapymen birlesken is-qımyl jasaý qajet­tigin atap ótti.

Shý ózeni arqyly ótetin Qazaq­stannyń «Qarasý» – Qyrǵyz Res­pýblıkasynyń «Aq Tilek» ótki­zý beketteriniń arasyndaǵy ja­ńa kópir qurylysy týraly úkimet­aralyq kelisimdi júzege asyrý, sondaı-aq «Besaǵash-avtojol» (Qazaqstan) jáne «Kıchı-Kapka – avtojol» (Qyrǵyzstan) ótkizý pýnktteriniń jumysyn jandandyrý, sondaı-aq «Kegen-avtojol» (Qazaqstan) men «Qarqyra-avto­jol» (Qyrǵyzstan) ótkizý pýnkt­teri­niń jumys ýaqytyn ulǵaıtý erek­she mańyzdy bolyp tabylady.

Otyrys barysynda Májilis vıse-spıkeri shekara ótkizý pýnkt­teriniń tıimdiligin arttyrý jáne shekaradan ótý kezinde eki eldiń azamattary úshin qolaıly jaǵdaı jasaý maqsatynda osyndaı kezdesýlerdi jalǵastyrýdy usyndy. Sondaı-aq problemalyq máse­lelerdi sheshýdi turaqty túrde par­lamenttik baqylaýda ustaý qajettigin aıtty.

Májilistiń Halyqaralyq ister, qor­ǵanys jáne qaýipsizdik komıteti uıymdastyrǵan shara ótkizý pýnktterine barý týraly birlesken kelisim aıasynda Qyr­ǵyzstan Jogorký Keneshi depý­tat­tarynyń qatysýymen ótti.