Búgin Úkimet úıinde Premer-Mınıstr Asqar Mamınniń qatysýymen «QazAvtoJol» UK» AQ men Far Eastern Electronic Toll Collection Co., LTD kompanııasy jáne qazaqstandyq «Computer Vision Technologies» JShS Konsorsıýmy arasynda ınvestısııalyq shartqa qol qoıyldy. Bul týraly Premer-Mınıstrdiń baspasóz qyzmeti habarlady.
Kelisim «Nurly jol» memlekettik ınfraqurylymdy damytý baǵdarlamasyna sáıkes avtojol salasyndaǵy ıntellektýaldy júıelerdi damytýdy jáne respýblıkalyq mańyzy bar aqyly avtomobıl joldarynyń uzyndyǵyn ulǵaıtýdy kózdeıdi.
Shartqa sáıkes, Konsorsıým respýblıkalyq mańyzdaǵy QR 11 myń shaqyrym avtokólik joldaryna tólemaqy alý júıesin engizýdi júzege asyrady. Jobany iske asyrý 2 kezeńnen turady: 2020 jyly — 5,7 myń shaqyrym («Batys Eýropa – Batys Qytaı» dálizi jáne t. b.), 2021-2024 jyldary — 5,3 myń shaqyrym («Qaraǵandy – Balqash – Almaty», «Taldyqorǵan – Qalbataý – О́skemen» jáne t. b.).
Konsorsıým ınvestısııalarynyń kólemi 25 mlrd teńgeden asady, qaıtarý merzimi – 11 jyl. Jobanyń iske asyrylý jáne aqtalý nátıjeleri boıynsha Tólemaqy alý júıesi ınfraqurylymymen birge memleket menshigine – «QazAvtoJol» UK» AQ-ǵa ótedi.
Joba 500-den asa jańa jumys ornyn qurýǵa, otandyq kompanııalardyń ıntellektýaldy kólik júıesi salasyndaǵy quzyretterin arttyrýǵa, avtomobıl joldarynyń sapalyq qamtylýy men saqtalýyn qarjylandyrýdy qamtamasyz etýge, sondaı-aq kólik quraldarynyń jyldamdyq rejımin baqylaý júıesimen tolyq qamtý arqyly olardyń apattylyǵyn tómendetýge múmkindik beredi.
1 tehnıkalyq sanattaǵy joldarmen júrý aqysynyń mólsherlemesi QR-da paıdalanylatyn basqa da aqyly joldardaǵy tárizdi bolady. 2 jáne 3 tehnıkalyq sanattaǵy joldarda jeńil avtokólikter úshin jol júrý tegin.
Tólemaqy alý júıesi shlagbaýmsyz – ashyq bolady. Baǵdarlamalyq qamtý jalpy uzyndyǵy 682 shaqyrym bolatyn «Nur-Sultan – Shýchınsk», «Nur-Sultan – Temirtaý», «Almaty – Qapshaǵaı» jáne «Almaty – Qorǵas» ýchaskelerinde jumys istep turǵan «QazAvtoJol» UK» AQ tólemaqy alý júıesimen» kiriktiriledi.