Jyr alybynyń esimimen atalatyn Jambyl oblysynyń turǵyndary óńirdiń 80 jyldyq mereıtoıyn atap ótýde. Bul týraly Shymkent qalasy ákimdiginiń baspasóz qyzmeti habarlady.
Mereıtoıǵa elimizdiń úshinshi megapolısinen de arnaıy delegasııa quttyqtap keldi. Shymkenttik delegasııa quramynda máslıhat depýtattary, zııaly qaýym ókilderi, eńbek ardagerleri jáne BAQ ókilderi bar.
80 jyldyq mereıtoı aıasynda kóptegen is-shara ótpek. Buǵan qosa birqatar mádenı-áleýmettik nysandardyń qurylysy aıaqtalyp, el ıgiligine beriledi dep kútilýde.
Atap aıtqanda, Taraz qalasynan qazaqtyń tuńǵysh kásibı rejısseri Asqar Toqpanov pen tanymal aqyn Kenen Ázirbaevtyń eskertkishi, sondaı-aq Áýender álemi men Dańqty sportshylar alańdarynyń ashylýy josparlanýda. Sonymen qatar «Tekturmas» etnotarıhı kesheni ashylady.
Onda oblystyq tarıhı-ólketaný mýzeıi, kórme pavılony, amfıteatr, qolóner sheberleriniń galereıasy, «Rýhanııat» ortalyǵynyń jańa ǵımaraty, kórkemdik-beıneleý óneri galereıasy bar.
Jambyl oblysynyń 80 jyldyǵyna arnalǵan saltanatty jıyn saǵat 17:00-de ótedi dep josparlanýda.
Esterińizge sala keteıik, 1939 jyly qazanda Áýlıeata oblysynyń ataýy Jambyl oblysy bolyp aýystyryldy. Bul data Jambyl oblysynyń qurylǵan kúni sanalady.