Shańǵy sportynan ulttyq quramanyń bas jattyqtyrýshysy Aleksandr Batıaıkın 2019 jyldyń 28 jeltoqsany men 2020 jyldyń 5 qańtary aralyǵynda ótetin «Týr de Skı» kópkúndiginiń 14-kezeńine qatysatyn sportshylardyń esimin atady.
Lenserhaıde (Shveısarııa), Toblah (Italııa) jáne Val-dı-Femme (Italııa) qalalarynda ótetin básekede el namysyn erler arasynan Vıtalıı Pýhkalo, Denıs Volotka, Aset Dıýsenov, Naıl Bashmakov, Vladıslav Kovalev qorǵasa, áıelder quramasynda Valerııa Tıýleneva, Anna Shevchenko, Irına Bykova, Ksenııa Shalygına baq synaıdy.