Áleýmettik jelide meımanhanadaǵy tóbeleske qatysqan memlekettik qyzmetshiniń beınejazbasy qyzý talqylanýda. Osy yńǵaısyz oqıǵanyń keıipkeri Almaty oblysy Jambyl aýdany ákiminiń orynbasary ekeni anyqtaldy.
Tártipsizdik 25 jeltoqsan aýdan ortalyǵyndaǵy «Belye rozy» meıramhanasynda bolǵan. Sheneýnik túngi saǵat 00.30 kezinde kóńil kóterý ornyna kelgen. Beınejazbada onyń beıtanys adamdarmen sózge kelip, sońy qol jumsaýǵa jalǵasqany baıqalady.
- Áleýmettik jelide talqyǵa túsken beınejazbaǵa qatysty qyzmettik tekserý júrgizilýde. Jambyl aýdany ákimi orynbasarynyń tártibine qatysty sheshim qabyldanady. Ol kóńil kóterý ornyna jalǵyz ózi barǵan. Al meıramhanada memlekettik qyzmetshiler jańa jyldyq bas qosý ótkizbegen. Jalpy, aýdan ákiminiń sheshimimen aımaqta memlekettik qyzmetshilerge merekelik kesh ótkizýge tıym salynǵan, - dedi oqıǵaǵa oraı túsinik bergen Almaty oblysy ákiminiń baspasóz hatshysy Ǵalymurat Júkel.