Bul týraly Mańǵystaý oblystyq «Qoǵamdyq Kommýnıkasııa Ortalyǵynda» ótken brıfıngte aıtyldy.
Mańǵystaýlyq ónerpazdar Evropany aralap, qazaqtyń ulttyq ónerin nasıhattady. «Aqjarma» folklorly ansambli men «Jorǵa» halyqtyq bı ansamblderi Vengrııa, Horvatııa, Bosnııa jáne Serbııa memleketterinde 6 birdeı konsert qoıdy.
Alǵashqy án keshi Býdapeshtte ótti. Mańǵystaýlyq óner ujymdary konsertti «Syńsý» bıimen ashyp, Qyz uzatylarda aıtylatyn qazaqtyń dástúrin kórsetti. Sonymen qatar, «Sholpy», «Horezm» bıleri sahnalandy.
Eýropa tórinde Qurmanǵazynyń «Balbyraýyny» men «Adaıy» kúmbirledi. Tórt memlekettiń óner súıer qaýymy Murat О́skimbaev atyndaǵy oblystyq fılarmonııa ujymynyń ónerine joǵary baǵasyn berdi, dedi «Aqjarma» folklorlyq ansambliniń jetekshisi Baýyrjan Kóbenǵalıev.
Barlyq konsertter anshlagpen ótken.
-Bul joba halyqaralyq deńgeıdegi joba. О́ıtkeni muny uıymdastyrýshy túrki mádenıetin dáripteıtin, túrki tildes memleketteriniń báriniń jıyntyǵy, jınastyratyn «Túriksoı» halyqaralyq uıymynyń jobasy bolatyn. Bıylǵy jyly bul jobaǵa Qazaqstan, Ázirbaıjan, Túrkııa jáne Qyrǵyzstannyń ártisteri qatysty. Biz Mańǵystaý oblysy Qazaqstannyń atynan qatystyq, dedi «Jorǵa» bı ansambliniń jetekshisi, Mádenıet qaıratkeri Serik Sarıev.