Qyrǵyz Respýblıkasynyń Prezıdenti Sooronbaı Jeenbekov Prezıdent Qasym-Jomart Toqaevqa jáne Qazaqstan halqyna Almaty qalasy mańynda bolǵan ushaq apatyna baılanysty kóńil aıtty. Bul týraly Qyrǵyz Respýblıkasy Prezıdentiniń baspasóz qyzmeti habarlady.
«Almaty-Nur-Sultan áýe reısi apaty saldarynan qaza tapqan adamdar týraly habardy zor kúızelispen qabyldadyq. Qyrǵyz halqy men óz atymnan qaza bolǵandardyń otbasylaryna, týǵan-týystaryna qaıǵyryp kóńil aıtamyn. Apattan zardap shekkenderdiń tezirek saýyǵyp ketýine tilektestik bildiremiz» delingen kóńil aıtý jedelhatynda.
Aıta keteıik, Reseı Federasııasynyń Prezıdenti Prezıdent Qasym-Jomart Toqaevqa Almaty mańynda bolǵan áýe apatyna baılanysty kóńil aıtý jedelhatyn joldaǵanyn habarlaǵan bolatynbyz.