Bul týraly juma kúni ótken baspasóz konferensııasynda Qytaı Halyq Respýblıkasy Syrtqy ister mınıstrliginiń resmı ókili Gen Shýan aıtty.
«Syrtqy ister mınıstrligi baspasóz qyzmetiniń habarlaýynsha, Almaty mańynda bolǵan ushaq apatynda qaza bolǵandar men zardap shekenderdiń otbasyna qaıǵyryp kóńil aıtamyz», delingen habarlamada.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti. Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
Prezıdent Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.