Búgin Palatanyń Bıýro otyrysyn ashqan Májilis Tóraǵasy Nurlan Nyǵmatýlın barlyq depýtattyq korpýs atynan Almaty mańyndaǵy ushaq apatynan qaza tapqandardyń týystary men jaqyndaryna kóńil aıtty. Bul týraly Parlament Májilisiniń baspasóz qyzmeti habarlady.
«Biz apat saldarynan qaza tapqandar týraly habardy tereń qaıǵy-qasiretpen qabyldadyq. Osy qaıǵyly jaǵdaıǵa baılanysty barlyq depýtattardyń jáne óz atymnan qaıtys bolǵandardyń otbasylaryna, týǵan-týystaryna qaıǵyryp kóńil aıtamyn. Biz sizderdiń orny tolmas aýyr qaıǵylaryńyzǵa ortaqtaspyz» delingen jedelhatta.
Nurlan Nyǵmatýlın sondaı-aq zardap shekkenderdiń tezirek saýyǵýyna tilektestik bildirdi.