Shaıbaly hokkeıden Chehııada ótip jatqan jastar arasyndaǵy álem birinshiliginiń ekinshi kezdesýinde Qazaqstan quramasy Slovakııadan utyldy.
Birinshi kezeńde gol soǵylmady. Úzilisten keıin slovakııalyqtar alǵa shyqty. Úshinshi kezeńniń sońynda jerlesterimiz tarazy basyn teńestirdi. Goldyń avtory – Maksım Mýsorov. Dál osy oıynshy alǵashqy matchta dýbl avtory atanǵan bolatyn. Negizgi ýaqyt teń aıaqtalǵannan keıin oıyn overtaımǵa ulasty. Bul rette Slovakııa quramasynyń baǵy jandy. Esep – 2:1.
Esterińizge sala keteıik, aıtýly jarystyń tusaýkeser kezdesýinde Qazaqstannyń hokkeıshileri Shveısarııa quramasynan 3:5 esebimen utylǵan bolatyn. Aldaǵy kúnderi otandastarymyz Fınlıandııa men Shvesııa hokkeıshilerimen sheberlik baıqasady.