Qysqy maýsymda qaladaǵy áleýmettik mańyzy bar taýarlar baǵasyn turaqtandyrý jáne baǵa ósimin aldyn-alý maqsatynda Nur-Sultan qalasynyń ınvestısııalar jáne kásipkerlikti damytý basqarmasy tarapynan únemi baqylaý júrgizilip otyrady. Bul týraly Nur-Sultan qalasy ákimdiginiń baspasóz qyzmeti habarlady.
Bas qalanyń saýda núktelerinde júrgizilgen monıtorıng negizinde «Astyqjan» jáne «KeńMart» saýda ortalyqtarynda kartop pen sábizdiń bólshek saýdadaǵy baǵasy – 78 teńgeden, pııaz – 73 teńgeden, qyryqqabat – 93 teńgeden belgilendi. Belgilengen baǵalar qaladaǵy «Sharyn», «Alash» sekildi iri bazarlardyń ortasha kóterme baǵasyna sáıkes keledi.