Shyǵys Qazaqstan oblysyndaǵy Semeı qalasynda jasy jetpisten asqan ardagerlerdiń qoǵamdyq kólikterde tegin júrý quqyǵy búginnen bastap shekteldi. Bul týraly AItaynews.kz habarlady.
Búgin Semeı qalasyndaǵy jolaýshylar kóliginiń kondýktorlary avtobýsqa mingen ardagerlerge jol aqy tóleýdi mindettedi. Qarttar onyń sebebin suraǵanynda, kondýktorlar bir aýyz sózben burynǵy jeńildiktiń kúshi joıylǵanyn málimdedi. Negizi, buǵan deıin jekelegen kásipkerler óz bastamalarymen jasy jetpisten asqan ardagerlerdi tegin tasymaldaý týraly sheshim qabyldaǵan bolatyn. Endi sol ýádelerinen taıqyp otyr. Ardagerlerdiń oryndy ýáji keıbiriniń qytyǵyna tıgen bolýy kerek. Bizge kelip túsken sońǵy aqparatta jasy jetpisten asqan ardagerler qala ishindegi jekelegen marshrýttarda 50 paıyz jeńildikpen júrýge múmkindik alypty.
Danııar Túımebaı.