«Qazgıdromet» RMK 21-23 qańtarǵa arnalǵan aýa raıy boljamyn habarlady.
Sınoptıkterdiń málimetinshe, Qazaqstanǵa Atlant muhıtynan aýa massalarynyń jyljýyna baılanysty respýblıkanyń birqatar oblysynda joǵary anomaldy aýa temperatýrasy saqtalady.
«Kúndizgi aýa temperatýrasy barlyq aımaqtarda derlik 0-den mınýs 8°S-ge deıin, qıyr ońtústikte 0-den plıýs 5°S-ke deıin boljanady. Al Qazaqstan arqyly úlken jyldamdyqpen yǵysatyn atmosferalyq fronttar kúshti ekpindi jel men kóktaıǵaqtyń bolýyna alyp kelýi múmkin», delingen habarlamada.