24-26 qańtar aralyǵynda Batys Qazaqstan oblysynyń Terekti aýdany, Saryómir aýylynda búrkitshiler arasynda «Jaıyq qyrany – 2020» respýblıkalyq týrnıri ótedi. Baıqaýǵa elimizdiń ár óńiriniń búrkitshileri jınalady. Bul týraly Mádenıet jáne sport mınıstrliginiń baspasóz qyzmeti habarlady.
«Qansonar – qazaq halqy úshin burynnan kele jatqan ańshylyq dástúr.
Respýblıkalyq týrnırdiń maqsaty – ulttyq sport túrin nasıhattaý, ishki týrızmdi damytý, ańshylyq salt-dástúrlerimizdi jańǵyrtý.
Bul týrnır 2018 jyldan beri «Ǵylymı zertteýlerge kómektesý qory» jeke qorynyń uıymdastyrýymen ótkizilip keledi. О́tken jyly búrkitshiler ónerin tamashalaý úshin elimizdiń túkpir-túkpirinen jáne Reseıdiń Samara, Tolıattı, Ýlıanovsk, Perm óńirlerinen týrıster kelgen bolatyn.
Eń úzdik búrkitshini anyqtaıtyn jarystyń jalpy júlde qory 1.5 mln teńge» delingen habarlamada.