Abaıdyń memlekettik qoryq-mýzeıinde Uly aqynnyń týǵanyna 175 jyl tolýyna oraı «Abaı. Ýaqyt. О́ner» kórmesi ashyldy. Bul týraly Abaıdyń «Jıdebaı-Bórili» qoryq mýzeıiniń baspasóz qyzmeti habarlady.
Saltanatty sharany Abaı mýzeıiniń dırektory J.Áýbákir ashyp, belgili sýretshi N.О́tepbaev Abaı beınesi turǵysynda keńinen óz oılaryn bildirdi. M.Tólebaev atyndaǵy mýzykalyq ýchılıshesiniń stýdenti A.Sanııazbekuly Abaıdyń ánin áýelete shyrqap, ashylý saltanatynan keıin kópshilik qaýym jańa kórmemen tanysty.
«Abaı. Ýaqyt. О́ner» kórmesine mýzeı qoryndaǵy asa qundy 50-den artyq týyndy qoıylǵan. Olardyń ishinde Á.Qasteev, E.Sıdorkın, B.Baıǵalıev, M.Álıakparov, Ǵ.Makarov, N.О́tepbaev jáne t.b. qylqalam sheberleriniń týyndylary bar.