Búgin Qazaqstan Prezıdenti Abý-Dabıdiń murager hanzadasy sheıh Muhammed ben Zaıd Ál Nahaıanmen kezdesedi. Bul týraly Prezıdenttiń baspasóz hatshysy Berik Ýálı Facebook paraqshasynda jazdy.
«Kezdesýde ekijaqty yntymaqtastyq máselesi keń aýqymda talqylanady. Sapar barysynda BAÁ iskerlik toptarynyń ókilderimen dóńgelek ústel ótkizý josparlanǵan. Qasym-Jomart Toqaev 28 qańtarda Dýbaıda Birikken Arab Ámirlikteriniń Vıse-prezıdenti, Premer-mınıstri, Dýbaı bıleýshisi sheıh Muhammed ben Rashıd Ál Maktýmmen kezdesedi, sondaı-aq Dýbaı Halyqaralyq qarjy ortalyǵyna (DIFC) barady. Sonymen qatar Birikken Arab Ámirlikteri kompanııalarynyń basshylarymen kezdesý ótkizedi» delingen jazbada.