Qadir túni Ramazan aıynyń sońǵy on kúniniń birinde bolady. Bul tún týraly Quran Kárimniń «Qadyr súresinde» aıtylǵan. Bes aıattan turatyn súrede Qurannyń Qadir túninde túsirilgeni, onyń myń aıdan qaıyrly ekeni, bul túnde Jábireıil perishte Alla ámirimen jer betine túsip, adamdarǵa qyzmet etetini jáne tańǵa deıin tynyshtyq bolatyny aıtylady. Qadir túni perishteler musylmandarǵa duǵa oqyp, tileýles bolady. Jasalǵan ǵıbadattyń myń aıǵa, ıaǵnı seksen úsh jylǵa teń bolatynyna baılanysty musylmandar Qadir túnin qulshylyqpen ótkizýge tyrysady.
Tamyz aıynyń úshinen tórtine qaraǵan túni Elordamyzdyń Orta Azııada eń úlken sanalatyn kórikti meshiti – Haziret Sultanǵa jınalǵan musylman qaýym Qadir túnin kútti. Jasaǵan kúnálaryna keshirim surap, jaratqannan duǵa tilep qulshylyq etti.
Haziret Sultan meshitine Qadir túnin kútýge kelgen Astana qalasy Almaty aýdany ákiminiń orynbasary sóz sóılep, ıgi tilekter tiledi. Bul túni meshitte Qazaqstan estradasynyń birqatar juldyzdary da qulshylyq jasady. Sondaı-aq elimizdiń tanymal aıtysker aqyny halyqtyń júregine ıman uıalatyp, rýhanı azyq syılaıtyn jyrlaryn tartý etti.
Aıdar О́risbaev.
{youtube}3M7s36jADeI{/youtube}