Shyǵys Qazaqstan oblysynda jasyryn esirtki zerthanasynyń qyzmeti toqtatylyp, 70 keli sıntetıkalyq esirtki tárkilendi. Bul týraly Ishki ister mınıstrliginiń baspasóz qyzmeti málimdedi, dep habarlaıdy Egemen.kz.
Polısııa málimetinshe, 26 jáne 22 jastaǵy eki azamat shalǵaı aýyldyń shetindegi jeke úıde sıntetıkalyq esirtki óndiretin jasyryn zerthana uıymdastyrǵan. Turǵyn úı arnaıy osy maqsatta satyp alynǵan.
О́skemende esirtki taratýmen aınalysqan 30 jastaǵy er adam ustaldy
Jedel-izdestirý sharalary barysynda quqyq qorǵaý organdary zerthanalyq jabdyqtardy, shamamen 70 keli daıyn «Alfa-PVP» sıntetıkalyq esirtkisin jáne 4 tonnaǵa jýyq hımııalyq reagentter men prekýrsorlardy tárkiledi. Tergeý barysynda zańsyz qyzmettiń ınternettiń jasyryn segmenti arqyly qashyqtan basqarylǵany anyqtaldy. Nátıjesinde naryqqa shamamen 250 myń bir rettik doza esirtkiniń shyǵýynyń aldy alynǵan.
Grýzııada esirtkimen ustalǵan Qazaqstan azamaty ómir boıyna sottalýy múmkin
Atalǵan derek boıynsha Qylmystyq kodekstiń 297-1-baby boıynsha sotqa deıingi tergeý amaldary bastaldy. Kúdiktilerge ómir boıyna bas bostandyǵynan aıyrýǵa deıingi jaza qarastyrylyp otyr.