Búgin qarjy polısııasynyń qyzmetkerleri asa iri kólemde para alǵany úshin «Qazaqstan Ǵarysh Sapary» ulttyq kompanııasynyń prezıdentin qamaýǵa aldy. Bul týraly Ekonomıkalyq qylmysqa jáne sybaılas jemqorlyqpen kúres agenttiginiń baspasóz qyzmeti habarlady.
«2013 jylǵy 1 tamyzda Qarjy polısııasy agenttiginiń qyzmetkerleri asa iri kólemde para aldy degen kúdikpen «Qazaqstan Ǵarysh Sapary» ulttyq kompanııasy» AQ prezıdenti Ǵ.Myrzaqulovty ustady»,- delingen paraqshada.
Ustalǵan tulǵaǵa jalpy quny 15 mlrd. teńgeden asatyn para aldy degen aıyp taǵylyp otyr. Muny ol Ǵarysh tehnıkasynyń arnaıy konstrýktorlyq-tehnologııalyq bıýrosyn qurastyrý-synaý kesheniniń qurylys jumystaryn satyp alý konkýrsynda «Qulager» qurylys kompanııasy» JShS múddelerine áreket etkeni úshin alǵan kórinedi. Atap aıtqanda, sol úshin kásiporynnyń basqarma tóraǵasy T.Egenbaevtan senimdi adamy – E.Asylbekov arqyly 272 myń AQSh dollary jáne 75 mln. 300 myń teńge kóleminde para alǵan syńaıly.
Qazir «Qulager» QK» JShS basqarma tóraǵasy T.Egenbaev pen «Suńqar Kúzet» JShS dırektory Asylbekov te ustaldy. Munda Egenbaev asa iri kólemde para berdi dep, al Asylbekov para alýǵa kómektesti dep aıypty bolǵan.
«3 tamyzda Myrzaqulov pen Asylbekov sot sanksııasymen qamaýǵa, Egenbaev – úı qamaýyna alyndy»,-dep habarlaıdy baspasóz qyzmeti.
Qylmystyq is tergelý ústinde. Budan basqa aqparat tergeý múddesine baılanysty jarııalanbaıdy.
Qurysh Nurymbet.