Bul týraly Ulttyq ekonomıka mınıstri Rýslan Dálenov Úkimet otyrysynda aıtty.
«Densaýlyq saqtaý salasynda medısınalyq qyzmetterdiń qoljetimdiligi men sapasyn arttyrý boıynsha sharalar, onyń ishinde Densaýlyq kodeksi qabyldanady. Kodekstiń jobasy ashyq jáne keńinen talqylanady», - dedi Rýslan Dálenov.
Sondaı-aq mınıstr bilim berý boıynsha pedagogtardy daıarlaý júıesin jetildirý jóninde sharalar qabyldanatynyn aıtty. Onyń aıtýynsha, ǵylymı-óndiristik klasterler qurý jáne adamı kapıtaldy damytý boıynsha usynystar ázirlenetin bolady.
«Memleket basshysynyń tapsyrmasyna sáıkes bıylǵy jylǵy 15 mamyrǵa deıin Orta merzimdi perspektıvaǵa arnalǵan ekonomıkalyq damý jospary qabyldanatyn bolady. Jumys toby ázirlegen negizgi sharalar Josparǵa enedi. Árbir ortalyq memlekettik organ jáne jergilikti atqarýshy organ belsendi qatysady», - dedi R. Dálenov.