Sybaılas jemqorlyqqa qarsy is-qımyl agenttiginde organnyń Qoǵamdyq keńesin qurý jónindegi jumys tobynyń uıymdastyrýshylyq otyrysy ótti.
«El basshylyǵy memleket pen qoǵam arasyndaǵy qashyqtyqty qysqartý, sondaı-aq halyq úshin barynsha ashyq bolý qajettiligine birneshe ret nazar aýdardy. Bul turǵyda memlekettik organdar janyndaǵy Qoǵamdyq keńester mańyzdy ról atqarady», - dedi Agenttik Tóraǵasy Alık Shpekbaev.
Daýys berý qorytyndysy boıynsha Qoǵamdyq keńestiń tóraǵasy bolyp Tuńǵysh Prezıdent – Elbasy Qorynyń atqarýshy dırektorynyń orynbasary I.I.Rogov saılandy.
Sondaı-aq Keńes quramyna memlekettik qyzmet salasyndaǵy О́ńirlik habtyń Basqarýshy komıtetiniń tóraǵasy Á.M.Báımenov, Prezıdent janyndaǵy Memlekettik basqarý akademııasynyń rektory E.Q.Ábil, «Egemen Qazaqstan» respýblıkalyq gazeti» AQ Basqarma tóraǵasy D.Q.Qydyráli, Parlament Májilisiniń depýtaty A.S.Platonov, zań ǵylymdarynyń doktory, professor I.Sh.Borchashvılı, Almaty qalasy boıynsha arnaıy monıtorıngtik toptyń múshesi, qoǵam qaıratkeri E.N.Mıtrofanova, «M.S.Nárikbaev atyndaǵy QazGZÝ ýnıversıteti» AQ Basqarma tóraǵasy T.M.Nárikbaev, CSI konsaltıngtik kompanııasynyń aǵa seriktesi O.A.Qudaıbergenov jáne Agenttiktiń eki ókili kirdi.
Qaıta qurylǵan Qoǵamdyq keńestiń negizgi maqsattary men mindetteri:
mańyzdy máseleler boıynsha azamattyq qoǵamnyń pikirin bildirý; sheshimderdi talqylaý jáne qabyldaý kezinde qoǵamdyq múddelerdi bildirý jáne pikirlerdi esepke alý; qoǵamdyq baqylaýdy uıymdastyrý, bılik organdarynyń ózara is-qımylyn damytý jáne olardyń qyzmetiniń ashyqtyǵyn qamtamasyz etý.Osylaısha, Agenttikte jańa konsýltatıvtik-keńesshi organ quryldy, onyń aldynda Memleket basshysy jarııalaǵan «Halyq únine qulaq asatyn memleket» tujyrymdamasy sheńberinde eldiń sybaılas jemqorlyqqa qarsy saıasatyn qalyptastyrý kezinde qoǵam men memlekettik apparat arasynda kelisim tetigine aınalý mindeti tur.