Stýdentter, magıstranttar jáne doktoranttardyń shákirtaqysy 25%-ǵa artty. Shákirtaqynyń jańartylǵan kólemi Bilim jáne ǵylym mınıstrliginiń Telegram-kanalynda jarııalandy.
Eske sala keteıik, Memleket basshysy Qasym-Jomart Toqaev Jastar jylynyń jabylý saltanatynda 2020 jyldyń qańtar aıynan bastap stýdentterge, magıstranttarǵa jáne doktoranttarǵa shákirtaqynyń 25%-ǵa artatynyn jarııalaǵan bolatyn. Keıin atalǵan tapsyrmanyń qalaı júzege asyrylatyny týraly Bilim jáne ǵylym mınıstri Ashat Aıtmaǵambetov aıtyp bergen edi.
«Stýdentterdiń shákirtaqysyn kóterýge respýblıkalyq bıýdjetten qosymsha qarajat bólinedi. 1 qańtardan bastap bakalavrıat, magıstratýra jáne doktorantýrada oqyp jatqan barlyq stýdentterdiń shákirtaqysy 25% ósedi. Bul Prezıdenttiń tapsyrmasy jáne ol óz ýaqytynda oryndalady. Endi ol úshin qansha qarajat kerek degen suraq týyndaıdy. Bir jyldy alyp qarasaq, JOO stýdentterine 13 mlrd teńge qarjy qajet», - degen edi A. Aımaǵambetov.