Soltústik Qazaqstan oblysynyń Polısııa departamentinde ótken apparattyq keńeste Aıyrtaý aýdanynda ótken jyldyń jeltoqsan aıynda bolǵan órt kezinde eki áıel men tórt balany qutqarǵan eki patrýldik polıseı marapattaldy.
Polısııa departamentiniń patrýldik polısııa batalonynyń ınspektorlary polısııa leıtenanty Erlan Dankın men polısııa kishi leıtenanty Azamat Býkýev oblystyń Aıyrtaý aýdanynda «Kókshetaý-Rýzaevka» trassasynda qyzmet kórsetken. 2019 jyldyń jeltoqsan aıynda polısııa ofıserleri qyzmet atqarý kezinde adamdardy aman alyp qaldy. Ishki ister mınıstri, polısııa general-leıtenanty Erlan Turǵymbaevtyń buıryǵymen patrýldik polıseıler «О́rtte kórsetken qaısarlyǵy úshin» medaldarymen marapattaldy.
21 jeltoqsan kúni Erlan Dankın men Azamat Býkýev mingen kólik patrýli janar-jaǵarmaı quıyp alý úshin aýdan ortalyǵy Saýmalkólge keledi. Kenet olar ottyń jalynyn baıqap qalady. Saqshylar sanaýly mınýt ishinde órt ornyna jetip, qyzyl jalynǵa oranǵan úıdiń ishinen eki áıel men tórt balany alyp shyǵady. Aralarynda 8 aılyq kishkentaı bóbek te bolǵan. Polısııa qyzmetkerleriniń bilikti ári jyldam áreketteriniń arqasynda eshkim zardap shekpegen.
Oblystyq Polısııa departamentiniń bastyǵy polısııa polkovnıgi Marat Tólebaev aıyrtaýlyq saqshylardy marapattaý kezinde patrýldik qyzmettiń kún saıyn turǵyndarmen tyǵyz baılanysta ekenin atap ótti. Sondyqtan osy bólinis qyzmetkerleri tótenshe jaǵdaı oryn alǵan kezde oqıǵa ornyna alǵashqylardyń biri bolyp jetedi. «Erlan Dankın men Azamat Býkýevtyń kásibı áreketteri ózge qyzmetkerler úshin, ásirese, jas mamandar úshin úlgi bolýy tıis. Biz birinshi kezekte adamdarǵa qyzmet kórsetip, kómektesýimiz qajet» dedi oblystyq polısııa basshysy marapattaý kezinde.