Búgin Deparament pen Munaıly aýdany ákimdiginiń bastamasymen jáne jeke kásipker Erbolat Aıtjanovtyń qoldaýymen Munaıly aýdany «Basqudyq» saýda ortalyǵynda ózine-ózi qyzmet kórsetý buryshy men «Turǵyn úı qurylys jınaq banki» AQ qyzmet kórsetý buryshynyń ashylý saltanaty ótti. Bul týraly Memlekettik qyzmet isteri agenttigi Mańǵystaý oblysy boıynsha departamentiniń baspasóz qyzmeti habarlady.
Sharaǵa Munaıly aýdanynyń ákimi R.Eltızarov, Memlekettik qyzmet isteri agenttiginiń Memlekettik kórsetiletin qyzmetter departamentiniń memlekettik qyzmet kórsetý sapasyn baǵalaý jáne baqylaý basqarmasynyń basshysy M.Baısalov, Departament basshysy N.Jannazarova, «Qazaqstan turǵyn úı qurylys jınaq banki» AQ Mańǵystaý oblysy boıynsha fılıalynyń dırektory M.Abýgalıev jáne ózge tulǵalar qatysty.
Endi aýdandyq saýda ortalyǵyna kelýshiler halyqqa qyzmet kórsetý ortalyǵyna barmaı-aq, osy jerden birqatar qajetti qyzmet túrlerin ala alady.
Kórsetiletin qyzmetterdi atap aıtqanda, zeınetaqy qory salymshysy qarajatynyń túsýi týraly aqparat, jyljymaıtyn múlki bar joǵy týraly anyqtama, nesıe tarıhy týraly jáne t.b. qyzmet túrlerin ESQ nemese bir rettik qupııasóz arqyly ala alady.
Bul jaǵdaıda, qyzmet alýshylardyń ýaqyttary men jol shyǵyndary únemdelip, sıfrlyq saýattylyǵy arta túsedi degen senimdemiz.
Aıta ketý qajet, búgingi kúnge deıin oblys boıynsha 400-ge jýyq qyzmet kórsetý buryshtary ashyldy. Al Munaıly aýdanynda bul esep boıynsha 42-shi qyzmet kórsetý buryshy.