Qazaqstandyq jup – Mıhaıl Kýkýshkın men Aleksandr Býblık Melbýrnde ótip jatqan Avstralııanyń ashyq birinshiliginiń fınaldyq saıysyna joldama ala almady.
Bastapqy básekelerde germanııalyq Kevın Kravıs pen Andreas Mısti, Ońtústik Koreıanyń ókilderi Nam Djı Sýn men Son Mın-Kıýdi jáne amerıkalyq Sem Kýerrı men Stıv Djonsondy joldarynan yǵystyrǵan olar shırek fınalda kort qojaıyndary Djeıms Dakvort pen Mark Polmanstan basym túsken edi.
Jartylaı fınalda bizdiń jigitter AQSh pen Ulybrıtanııa juby – Radjıv Ram jáne Djo Solsberımen kezdesti. Alǵashqy set 6:4 esebimen otandastarymzdyń paıdasyna sheshildi. Alaıda odan keıingi eki sette qarsylastary basymdyq tanytty – 6:3, 6:4. Bul báseke 1 saǵat 51 mınýtqa sozyldy.
Osylaısha, juptyq saıysta qazaqstandyq tennısshiler óz tarıhynda tuńǵysh ret «Úlken dýlyǵa» sanatyndaǵy týrnırdiń jartylaı fınalynda óner kórsetti.