Úndistan eliniń ókilderimen birlesken «Lıvandaǵy BUU ýaqytsha kúshteri» bitimgershilik mıssııasyn oryndaý boıynsha áskerı qyzmetshilerdi daıarlaý bastaldy.
Qazirgi tańda quramynda 29 áskerı qyzmetshisi bar qazaqstandyq bitimgershilik polkiniń tórtinshi bitimgershilik rotasy Úndistandaǵy Nıý-Delı qalasynda.
Bir aı boıy olarǵa beketter blogynda jáne baqylaý pýnktterinde qyzmet atqarý, bazany kúzetý jáne jaıaý tártipte jáne avtomobıl tehnıkasynda patrýldeý boıynsha daıyndyq sabaqtary ótkiziledi.
Oqý barysynda BUU-nyń uıymdastyrylýy men qurylymy, Lıvan Respýblıkasynyń geografııalyq ornalasýy jáne mıssııany oryndaý kezinde bitimgershilik kúshteriniń kontıngenti basshylyqqa alatyn negizgi normatıvtik-quqyqtyq aktiler qaralyp, túsindiriletin bolady.
Esterińizge sala keteıik, 2020 jyly mamyr aıynda Lıvanǵa «Lıvandaǵy BUU ýaqytsha kúshteri» bitimgershilik mıssııasyn oryndaý úshin tórtinshi bitimgershilik rotasy attanady. Qazaqstandyq rota bitimgershilik mıssııasyn Úndi batalony quramynda atqarady.