Oblystyq polısııa departamentiniń málimetinshe ótken jyly Pavlodar oblysynda 129 mal urlyǵy tirkelgen.
Mal urylyǵy Ekibastuz aýyldyq aýmaǵynda, Aqtoǵaı, Ertis, Maı, Sharbaqty jáne Pavlodar aýdandarynda kóbeıgen.
Mal urlyǵynyń aldyn alý maqsatynda et satatyn bazarlarda reıd sharalary júrgiziledi. Barymtashylar urlaǵan maldy týystaryna, aýyl turǵyndaryna arzan baǵamen satýǵa shyǵady.
Polıseıler mal urlyǵyna mal ıeleriniń jaýapsyzdyǵy sebep ekenin, Barymtashylar jaıylymda qaraýsyz júrgen jerinen urlaıtyny aıtýda.
Al, jol boıynda bos júrgen maldyń kesirinen byltyr 89 jol-kólik oqıǵasy oryn alypty.
О́ıtkeni aýyl turǵyndarynyń maly tolyǵymen esepke alynbaǵan.
Ekinshiden, mal urlyǵynyń oryn alýyna anyqtamany durys bermeıtin jergilikti ákimdik pen mal dárigerleriniń salǵyrttyǵy da sebep.
Endi oblystyq aýyl sharýashylyǵynyń bastamasymen basqarmasy veterınar mamandar, ýchaskelik ınspektor jáne aýyl ákimderi birlesip, árbir úıdi aralap, maldardy esepke almaq.
Sondyqtan, qazir mal qorada turǵan kezde bul jumystardy qolǵa almaq.
Polıseılerdiń málimetinshe, oblys ortalyǵyna qarasty Sháýken, Kenjekól, Moıyldy, Jetekshi aýyldary, Lenın kentinde 6 myńǵa jýyq qara mal, 9 myńǵa jýyq usaq mal, 2 myńǵa jýyq jylqy tirkelgen.
Al, mal basyn esepke alý sharasy jyl basynan júrgiziledi. Iri qara men usaq maldan týǵan tólder 1 aptadan keıin tirkeledi. Al qulyndy týǵannan keıin 4 aıdan soń esepke alady.
Malǵa syrǵa salý, jylqynyń terisine chıp ornatý, tańba salý arqyly túlikterdi tirkeýge alady.
- Qala boıynsha esepke alynbaǵan mal joq. Aýylsharýashylyq janýarlaryn birdeılendirý derekózderine barlyq derekti engizemiz. Maldyń ıesi, jynysy, túsi, jasy, tuqymy jónindegi málimetter osy derekkózde jazylady, - deıdi polısııa qyzmetkerleri.
PAVLODAR