Syrtqy ister mınıstri Muhtar Tileýberdi BUU Bas hatshysynyń orynbasary - BUU-nyń 75 jyldyq mereıtoıyn merekeleýge daıyndyq jónindegi arnaıy keńesshi Fabrısıo Hohshıldpen kezdesý ótkizdi. Bul týraly mınıstrliktiń baspasóz qyzmeti habarlady.
Kezdesý barysynda taraptar halyqaralyq kún tártibindegi ózekti máselelerdiń keń aýqymy jáne BUU-nyń 75 jyldyǵyn merekeleýge daıyndyq boıynsha pikir almasty. BUU Bas Assambleıasynyń mereıtoılyq sessııasynyń negizgi taqyryptary sıfrlandyrý máseleleri men jastar boldy.
M. Tileýberdi Memleket basshysy Qasym-Jomart Toqaevtyń Prezıdenttik jastar kadrlyq rezervin qurý jáne Qazaqstanda sıfrlandyrý salasynda júrgizilip jatqan jumystar jónindegi bastamasymen tanystyrdy.
Keshe «Digital Almaty» halyqaralyq forýmyna qatysqan F. Hohshıld Qazaqstannyń BUU qyzmetindegi belsendi rólin joǵary baǵalady. Onyń aıtýynsha, Qazaqstannyń BUU otbasyna engen 27 jyl ishinde taraptar Uıym qyzmetiniń barlyq baǵyttary boıynsha ózara is-qımyldyń joǵary deńgeıine qol jetkizdi.