Túrkistan shahary ózindik derbes damý úlgisinde, birneshe baǵytta kórkeıip keledi. Qalanyń tarıhı-mádenı ortalyǵy kóne kezeńniń sáýlet úlgisi retinde sol qalpyn saqtaıdy. Túrkistan zamanaýı úlgidegi biregeı jańa ǵımarattar boı kótergen «aqyldy qalaǵa» aınalady. Bul másele Túrkistan oblysynyń ákimdiginde О́mirzaq Shókeevtiń tóraǵalyǵymen ótken apparat jıynynda talqylandy.
Qurylys qarqyn alǵan kıeli shahardaǵy ǵımarattar, saıabaqtar, kópirler men alleıalar bir úlgide jaryqtandyrylyp, jańa keıipke enedi. Joba aldaǵy birneshe aıdyń ishinde júzege asyp, qalaǵa qaıtalanbas reńk beredi. Túrkistan qalasynyń sımvolyna aınalǵan Qoja Ahmet Iаsaýı kesenesi de jaryqtandyrylady. Týrıster úshin erekshe tartymdy nysandardyń búkilálemdik tizimine kirgen qasıetti mekenniń qabyrǵalary alystan jarqyrap kózge túsetin bolady.
Jınalysta oblystyq mańyzy bar joldarǵa qatysty máseleler de kóterildi. Túrkistan oblysynda jalpy qashyqtyǵy 4 myń shaqyrym jol bolsa, byltyr onyń 1270 shaqyrymy jóndelip, paıdalanýǵa tapsyrylǵan. 2020 jyly 869,8 shaqyrym jol jóndeýden ótedi dep kútilýde. 2021 jyly oblystyq jáne aýdandyq mańyzy bar avtomobıl joldarynyń jaqsy jáne qanaǵatty jaǵdaıdaǵy úlesin 81,4 paıyzǵa deıin ulǵaıtý kózdelgen. Apparat jıynynda oblys basshysy О́mirzaq Shókeev kúrdeli jóndeýge ketetin ýaqyt pen qarajatty únemdeýdi, óńir klımatyna tózimdi sanalatyn betki qabaty búdirli joldardyń qataryn kóbeıtýdi tapsyrdy.
«Nur Otan» partııasy Túrkistan oblystyq fılıaly tóraǵasynyń birinshi orynbasary Beısen Tájibaev «Qamqorlyq» keshendi baǵdarlamasy jurtshylyq tarapynan joǵary baǵalanǵanyn atap ótti. Turmys taýqymetin tartyp, qıyn jaǵdaıda qalǵan otbasylardy qoldaý baǵytyndaǵy baǵdarlama aıasynda barlyq aýdan, qalalarda jergilikti atqarýshy organ ókilderi, aýdandyq máslıhat depýtattary, bastaýysh partııa uıymdary tóraǵalary jáne jeke kásipkerlerdiń qatysýymen qaıyrymdylyq sharalary ótip jatyr. 10 kúnde áleýmettik salaǵa jaýapty basqarma jáne aýdan, qala ákimdikteri jáne partııa fılıaly arqyly 700-deı otbasyǵa kómek kórsetilgen.
Muqtaj jandar qajetti azyq-túlikpen jáne kıim-keshekpen, kómirmen qamtamasyz etilip, 1 azamatqa múgedek arbasy berildi. Otyrar aýdanynda 2 turmysy tómen otbasyǵa demeýshiler esebinen turǵyn úıler satyp alyp berildi. Osy aýdanda kómekke zárý otbasylarǵa 2 bas usaq mal (qoı) taratylǵan. Saıram aýdany, Qarasý aýylynda turatyn kópbalaly Abdýalıevter otbasyna kásipkerler kómegimen turǵyn úı salyp bergen. Múmkindigi shekteýli jandar páter jaldap kelgen.