О́ńirdegi iri kásiporyndardyń biri «Qazsınk» kompanııasyna qarasty О́skemen metallýrgııa kesheni 2019 jyly qorshaǵan ortany jaqsartý baǵytyndaǵy atqarǵan jumystary jaıynda baıandady. Kásiporyn usynǵan málimetterge sensek, 2019 jyly kúkirt dıoksıdi shyǵaryndysy 2018 jylmen salystyrǵanda 600 tonnaǵa azaıypty.
Bıyl О́skemen metallýrgııa kesheni memlekettik bıýdjetke qorshaǵan orta emıssııasy úshin 1, 23 mıllıard teńge tólepti. Sonymen qatar 2019 jyly qorshaǵan ortany jaqsartý sharalaryna 3 mıllıard teńge baǵyttapty. Qorshanǵan ortany jaqsartý sharalarynyń biri – kógaldandyrý. Osy rette kásiporynnyń mańaıy men óndiristik aýmaqtarda 22 myń sharshy metr aǵash pen gúl ósip turǵanyn atap ótýge bolady. «Aldaǵy josparymyz jaıynda aıtar bolsaq, «Qazsınk» Ekologııa, geologııa jáne tabıǵı resýrstar mınıstrligimen memorandýmǵa otyrdy. Atalǵan qujatqa sáıkes kompanııa qorshaǵan ortaǵa keltiriletin zardaptardy azaıtý úshin zamanaýı tehnologııalardy engizetin bolady» delingen kompanııanyń qoǵammen baılanys basqarmasy taratqan baspasóz málimdemesinde.
О́SKEMEN