Jylqybaev Erjan Jumatuly Jambyl oblysy ákiminiń orynbasary qyzmetine taǵaıyndaldy.
E. Jylqybaev 1982 jyly Ońtústik Qazaqstan oblysynda dúnıege kelgen. M. Áýezov atyndaǵy Ońtústik Qazaqstan memlekettik ýnıversıtetin, Prezıdent janyndaǵy Memlekettik basqarý akademııasyn, S. Amanjolov atyndaǵy Shyǵys Qazaqstan memlekettik ýnıversıtetin támamdaǵan.
Eńbek jolyn Ońtústik Qazaqstan oblysy Ekonomıka departamentiniń áleýmettik saıasat bóliminiń bas mamany retinde bastaǵan.
Túrli jyldary Premer-Mınıstr Keńsesinde, Ekonomıka jáne bıýdjetti josparlaý mınıstrliginde, Shyǵys Qazaqstan oblysy ákimdiginiń apparatynda, Prezıdent Ákimshiliginde jumys istedi. 2016 jyldyń mamyr aıynan bastap 2019 jyldyń naýryz aıy aralyǵynda Almaty qalasynyń Medeý aýdanynyń ákimi laýazymynda boldy.
2019 jylǵy 26 naýryzdan bastap 29 sáýirge deıin — Eńbek jáne halyqty áleýmettik qorǵaý vıse-mınıstri. 2019 jylǵy sáýirden qazirgi tańǵa deıin — Eńbek jáne halyqty áleýmettik qorǵaý birinshi vıse-mınıstri.