Qabyl Bekmuratov Lenıngradtaǵy Jýrnalıstıka ınstıtýtyn jáne Máskeýdegi Joǵary partııa mektebin bitirgen. Sodan Gýrev oblystyq «Sosıalıstik qurylys» (qazirgi «Atyraý») gazetinde bólim meńgerýshisi bolyp qyzmet istedi. Ádebıet álemin qadaǵalaı zerdeleýmen birge aýdarmashylyq salaǵa da den qoıa bastaǵan ol sol kezdegi respýblıka astanasy Almatyǵa shaqyryldy.
Qazaqstan Kompartııasy Ortalyq Komıtetiniń úgit jáne nasıhat bólimi meńgerýshisiniń orynbasary boldy. 1951 jyly Q.Bekmuratov qazaq baspasóziniń qara shańyraǵy «Sosıalıstik Qazaqstan» gazeti ujymyn basqarýǵa jiberildi. 1952 jyly Ortalyq Komıtetke qaıta shaqyrylyp, keıin qazaq teleradıo komıtetinde jaýapty qyzmetter atqardy.