Qytaıdan tarap jatqan atyshýly indetten keıin barlyq memleketter shekarasyn qymtap, Qytaıǵa baryp kelgen jandardy qaıta-qaıta tekserip, ábden álekke túsýde. Sonyń ishinde Japonııadaǵy Diamond Princess krýızdik laıneri kórpesin tars búrkenip, óz aldyna bir shaǵyn memleket sııaqty oqshaýlanyp, jolaýshylary eki aptadan beri qurlyqqa shyǵa almaı otyr.
Bul alyp keme 20 qańtar kúni Japonııanyń Iokogama portynan shyǵyp, 3 aqpan kúni týra sol aılaqqa qaıta oralǵan edi. Ishinde álemniń 50 elinen jınalǵan 3,7 myń jolaýshysy bar. Alaıda laınerdegi Qytaı azamattarynan koronavırýstyń belgileri tabylyp, Iokogama portyna zákirin tastaǵan kemeden birde-bir jolaýshynyń syrtqa shyǵýyna ruqsat berilmedi. Keme jolaýshylarynyń ishinde Qazaqstannyń tórt azamaty bar. Naqtyraq aıtsaq, 8 jáne 12 jastaǵy nemereleri bar eki áıel adam. Saıahattap júrgen tórt qazaqstandyq azamattyń jaǵdaıyn Densaýlyq saqtaý mınıstri Eljan Birtanov ázirge birqalypty dep otyr.
«Japonııa densaýlyq saqtaý mınıstrligimen tikeleı baılanys bar. Qazir olarǵa ınfeksııa juqty degen aqparat joq. Kemedegi azamattarmen tikeleı baılanystamyz. Olar ózderin jaqsy sezinedi. Arasynda aýyrǵandar joq. Qazir Syrtqy ister mınıstrligimen azamattarymyzdy elge qaıtarý jóninde jumystar júrip jatyr» deıdi bul jóninde E. Birtanov.
Iá, laınerdegi qazaqstandyqtar qashan elge qaıtýy múmkin? Bul jóninde Syrtqy ister mınıstrliginiń resmı ókili Aıbek Smadııarov bylaı deıdi:
«19 aqpanda laınerde karantın ýaqyty aıaqtalady. Sosyn 2 kúnge sozylatyn kemeden shyǵarý prosesi júrgiziledi. Sebebi kemede 3 myńnan astam adam bar. Olardyń bárin bir kúnde shyǵara almaıdy. Eger de bizdiń azamattardan koronavırýs belgileri tabylmasa, olar óz joldarymen elge qaıtady. Karantın rejimi bolǵandyqtan palýbada qozǵalys shektelgen. Árkim óz kaıýtalarynda otyr. Qajetti medısınalyq qorǵaý quraldarymen, tamaqpen qamtamasyz etilgen. Bizben baılanysta. Eshqandaı shaǵym aıtyp jatqan joq».
«Kemedegeniń jany bir...» demekshi, jolaýshylaryna qyzyǵy mol saıahat syılaımyz degen Diamond Princess krýızdik laınerindegi jaǵdaı osylaısha búkil eldi alańdatyp otyr. Qazaqstandaǵy tıisti mınıstrlikter bul máseleni basty nazarda ustap, áliptiń artyn baqqannan basqa amaly bolmaı turǵany anyq.
BUU CNN zertteý ortalyǵy koronavırýs indetiniń álem elderine taralý kartasyn jarııalady. Sońǵy málimetterge qaraǵanda, bul indetten álemde 1 383 a??? ?????? ??????dam qaıtys bolǵan. Osy ınfeksııany juqtyrǵandardyń sany 64 441-ge jetse, 5 542 adam atalǵan dertten jazylypty. Biz osy kartada kórsetilgen memleketterdiń tizimin jarııalap otyrmyz.