Keshe Elbasy Nursultan Nazarbaev Aýyl sharýashylyǵy mınıstri Asyljan Mamytbekovti qabyldady, dep habarlady Prezıdenttiń baspasóz qyzmeti.
Keshe Elbasy Nursultan Nazarbaev Aýyl sharýashylyǵy mınıstri Asyljan Mamytbekovti qabyldady, dep habarlady Prezıdenttiń baspasóz qyzmeti.
A.Mamytbekov salanyń qazirgi ahýaly, sondaı-aq agroónerkásiptik keshendi damytý jónindegi «Agrobıznes-2020» baǵdarlamasyn iske asyrý barysy týraly baıandady.
Memleket basshysy jıyn-terin jumystaryn tıimdi júrgizý qajettigin atap kórsetti.
– Ońtústik óńirlerde astyq jınaý naýqany aıaqtalyp qaldy, qazirdiń ózinde 1 mıllıon tonnadan astam astyq jınaldy. Soltústik óńirlerdegi jaǵdaı alǵashynda kúrdeli bolǵan edi, biraq jaýyn-shashyn kóbirek bolyp, paıdasyn da, zııanyn da tıgizdi. Astyqtyń túrli merzimde pisip-jetilýi eskeriletin jıyn-terin tehnologııasyn baqylaýda ustaý qajet, – dedi Nursultan Nazarbaev.
A.Mamytbekov aýyl sharýashylyǵy salasynyń damý qarqyny jaqsy ekenin atap ótti.
– Búgingi kúngi negizgi mindet – jıyn-terin jumystaryn júrgizý. Shyn máninde, ońtústik oblystarda astyq jınaý naýqany qazirdiń ózinde bastalyp ketti, al ol keıbir óńirlerde aıaqtalýǵa jaqyn. Mysaly, Jambyl oblysynda astyq jınaý 94 %-ǵa aıaqtaldy, astyq túsiminiń kórsetkishi eki ese derlik joǵary. Bıdaı egetin negizgi úsh oblys jıyn-terin jumystaryn júrgizýge daıyndalýda. Jaýyn-shashynnyń jıi bolýyna baılanysty jıyn-terin ońaıǵa túspeıdi. Sondyqtan biz egistik jerler men tehnıkalardy tısti daıyndyqtan ótkizý úshin aýylsharýashylyq salasy kásiporyndarymen birlese jumys júrgizip otyrmyz, – dedi mınıstr.
Kezdesý qorytyndysynda Memleket basshysy 2013 jyldyń astyǵyn ýaqtyly jáne sapaly jınap alý, sondaı-aq agroónerkásip kesheni kásiporyndarynyń básekege qabilettiligin arttyrý jóninde naqty tapsyrmalar berdi.