Qazaqstan Respýblıkasynyń Bas memlekettik sanıtarlyq dárigeri elimizge «Fonterra» (Jańa Zelandııa) kompanııasy shyǵarǵan tamaq ónimderin ákelýge tyıym salý týraly qaýly qabyldady. Bas memlekettik sanıtarlyq dárigerdiń mundaı qadamǵa barýyna Jańa Zelandııanyń Alǵashqy salalar mınıstrliginiń sút sarysýynyń konsentratynda botýlızm ýyty bar ónimderdi keri qaıtarý jóninde sharalar qoldaný týraly resmı aqparaty sebep bolyp otyr. Atalmysh mınıstrlik «Fonterra» kompanııasy óndiretin tamaq ónimderiniń, atap aıtqanda, balalarǵa arnalǵan sút qospalarynyń, sporttyq proteın qospalarynyń jáne basqa da sýsyndardyń bakterıologııalyq lastanýymen baılanysty jaǵdaıdy rastamaq.
Osyǵan oraı, Memlekettik sanıtarlyq-epıdemıologııalyq qadaǵalaý komıtetiniń aýmaqtyq bólimshelerine joǵaryda atalǵan kompanııanyń balalarǵa arnalǵan sút qospalaryn aınalymnan alyp tastaý týraly tapsyrma berildi, dep habarlady Qazaqstan Respýblıkasy Densaýlyq saqtaý mınıstrliginiń baspasóz qyzmeti.