Nur-Sultan qalasy ákimdiginiń Halyqty jumyspen qamtý ortalyǵynda jumyssyz azamattardy tegin oqytýdy uıymdastyrý úshin kadrlar qajettiligi bar jumys berýshilerdiń ótinimderi qabyldanyp jatyr. Bul týraly Nur-Sultan qalasynyń baspasóz qyzmeti habarlady.
Kásiptik oqytý boıynsha birlesip jumys atqarý úshin jumys berýshige kepildik hat-ótinish usyný jetkilikti, sodan keıin tańdaǵan mamandyǵy boıynsha oqyǵysy keletin jumyssyz azamattarmen suhbattasý úshin bos jumys oryndarynyń shaǵyn jármeńkesine málimdelgen uıymdar shaqyrylady.
Jumys berýshilerdiń jumyssyzdardy tańdaýyn eskere otyryp, jumyspen qamtý ortalyǵy úmitkerlerdi tegin oqýǵa jiberedi. Oqýdy aıaqtaǵannan keıin bilikti maman jumys berýshiniń uıymyna turaqty jumysqa ornalasý úshin barady.
Jumys berýshilerdiń ótinimderi jáne eńbek naryǵynda talap etilgen biliktilikter men daǵdylar boıynsha qysqa merzimdi kásiptik oqytý belgili bir jumys túrin oryndaý úshin qajetti jańa nemese ózgertilgen kásibı daǵdylardy jedel meńgerýge baǵyttalǵan. Qysqa merzimdi kásiptik oqýdan ótip jatqan «Eńbek» baǵdarlamasynyń qatysýshylary retinde jumyssyz tulǵalar, onyń ishinde NEET sanatyndaǵy jastardyń, az qamtylǵan jáne/nemese kópbalaly otbasy músheleriniń, eńbekke jaramdy múgedekterdiń, qysqartýǵa ilikken qyzmetkerlerdiń qatysýǵa quqyǵy bar.
Barlyq suraqtar boıynsha Halyqty jumyspen qamtý ortalyǵynyń kásiptik oqytý bólimine +77172 95 44 18/16 habarlasýǵa bolady.