Búginde Jambyl oblysynda memlekettik orman qorynyń jalpy aýdany shamamen 4,5 mıllıon gektardy quraıdy. Ormanmen kómkerilgen 2 mıllıon gektar alqap bar. Onyń ishinde sekseýildikter 1,1 mıllıon gektar jerdi alyp jatyr. Qazirgi tańda memlekettik orman qoryn tikeleı kúzetýmen 14 memlekettik orman sharýashylyǵy mekemesi aınalysady.
Jambyl oblystyq orman sharýashylyǵy jáne janýarlar dúnıesi aýmaqtyq ınspeksııasynyń málimetinshe, ótken jyly 129 reıd uıymdastyrylǵan. Nátıjesinde tabıǵatty qorǵaý zańnamasyn buzýdyń 245 faktisi ashylǵan. Sonymen qatar, oblysta zańsyz aǵash kesýdiń 17 deregi anyqtalǵan. Onyń ishindegi 16 derek sekseýil aǵashyn kesýge baılanysty. Jalpy shyǵyn 295,3 myń teńgeni quraǵan. Barlyq faktiler boıynsha materıaldar quqyq qorǵaý organdaryna joldanypty.
«О́tken jyly oblysta jalpy kólemi 41,0 myń gektarǵa jýyq 15 orman órti oqıǵasy oryn aldy. Barlyq orman órtteri boıynsha tergeý júrgizildi. Tergeý qorytyndysy boıynsha 6 laýazymdy tulǵa jáne 3 orman paıdalanýshy ákimshilik jaýapkershilikke, 18 laýazymdy tulǵa tártiptik jaýapkershilikke tartyldy. Onyń 2-eýi jumystan shyǵaryldy», deıdi ınspeksııa basshysynyń orynbasary Bolat Asambekov.
Sonymen qatar, ótken jyly 1731 gektar jerge ekpe aǵashtary otyrǵyzylǵan. Alaıda, «Qosqudyq» orman pıtomnıginde sekseýil tuqymdaryn sebý tehnologııasy buzylǵan. Sondaı-aq, Merki, Moıynqum, Qordaı aýdandaryndaǵy orman pıtomnıkterinde ekpe aǵashtary ólgen. Sondyqtan da, atalǵan ınspeksııa basshysynyń orynbasary bul pıtomnıkterde otyrǵyzý materıalynyń shyǵýy tómen ekenin aıtady.
Jambyl oblysy