Elordalyqtardy eleńdetken elik ustaldy. Búgin tańerteń qala turǵyny Marat Jylqybaev Feısbýktegi paraqshasyna «Uly dala» kóshesinde elik shaýyp júrgen vıdeony júktegen bolatyn.
Bul týraly Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet habarlaǵan bolatyn. Qazirgi ýaqytta bul oqıǵany anyqtap jatqandaryn málim etti.
«Elikti ustadyq. Qazir mamandar janýardyń jaı-kúıin tekserip jatyr. Odan keıin ony tabıǵı tirshilik etý ortasyna jiberý máselesin sheshemiz», - dedi Sáken Dildahmet.