Halyqaralyq fýtbol federasııasynyń (FIFA) resmı saıtynda fýtboldan ulttyq quramalardyń aqpan aıyna arnalǵan reıtıngi jarııalandy. 2020 jyldyń alǵashqy reıtıngin Qazaqstan 118-orynmen bastady. О́tken jylǵy reıtıngte de Qazaqstan 118-satyda bolatyn.
Jalpy jyl basyndaǵy reıtıngte asa qatty ózgeris joq. Reıtıngtiń kóshin ádettegideı 1765 upaımen Belgııa quramasy bastap tur. 2018 jylǵy álem chempıondary – Fransııa (1733) ekinshi, byltyrǵy Amerıka kýbogynyń ıegeri Brazılııa (1712) úzdik úshtikti qorytyndylap tur.
Qazaqstan quramasy aldaǵy naýryz aıynda eki joldastyq kezdesý ótkizedi. Almatydaǵy oqý-jattyǵý jıyny aıasynda jerlesterimiz 27 naýryz kúni Ortalyq stadıonda Lıtva, 30 naýryzda Armenııa fýtbolshylaryna qarsy oınaıdy.