Nurjan Toqseıitovtiń memlekettik qyzmette tájirıbesi mol.
Búgin Úrjar aýdanyna jańa ákim taǵaıyndaldy. Bul qyzmetke buǵan deıin Altaı aýdanyn basqarǵan Nurjan Toqseıitov keldi. Oblys ákimi Danıal Ahmetov jańa ákimdi aýdan aktıvine tanystyrdy.
Nurjan Toqseıitovtiń memlekettik qyzmette tájirıbesi mol. Besqaraǵaı aýdanyn bir jarym jyl, Altaı aýdanyn eki jyldan astam ýaqyt basqardy. Eńbek jolyn Besqaraǵaı aýdanyndaǵy «Semenovskıı» keńsharynda jumysshy retinde bastaǵan. Bilimi - joǵary. Máskeýdiń Búkilreseılik ǵylymı-zertteý ınstıtýtynda oqyǵan. «О́mirlik tájirıbemdi aýdannyń áleýmettik-ekonomıkalyq damýyna jumsaýǵa daıynmyn. Aýdan jetistikteri bul jalǵyz ákimniń jumysy ǵana emes, búkil halyqtyń bılikpen birge atqaratyn jumysy dep bilemin. Sol úshin aldaǵy ýaqytta bar kúshimizdi salyp, aýdannyń gúldenýine eńbek etetinime ýáde beremin» dedi Nurjan Toqseıitov.
Aıta keteıik, Úrjar aýdanyn osy ýaqytqa deıin, ıaǵnı 7 jyl boıy basqarǵan Serik Zaınýldın keshe Zaısan aýdanynyń ákimi laýazymyna taǵaıyndalǵan bolatyn.
Shyǵys Qazaqstan oblysy