Almatyda 3 naýryzda qarjy top-menedjerleriniń jyl saıynǵy «CFO SUMMIT IDEA EXCHANGE & NETWORKING EVENT 2020» sammıti ótedi.
SEO «Sentras Inshýrans» saqtandyrý kompanııasy» AQ-nyń 2014 jyldan bastap ótkizilip kele jatqan bul sharasynda jyl saıyn suhbat alańyna 500-den astam qatysýshy jınalady.
Olardyń ishinde iri kompanııalardyń top-menedjerleri men kórnekti saıasatkerler bar. Bıyl da munda otandyq jáne sheteldik 20-dan astam spıker álemdik jáne qazaqstandyq ekonomıkanyń ózekti máselelerin talqylap, qarjy ekonomıkasynyń damý trendteri men keleshegin anyqtaý úshin kezdesedi. Máselen onda Shvesııadaǵy Grant Thornton kompanııasynyń turaqty damý boıynsha keńesshisi Iýlııa Hogland «Turaqty damý – sán be álde qajettilik pe» degen taqyrypta baıandama jasamaq. Al Anglııadaǵy ASSA-nyń normatıvtik-quqytyq aktiler boıynsha jáne Dıplomdy sertıfıkattalǵan býhgalterdi monıtorıngileý qaýymdastyǵynyń dırektory Sha Alı Han «Korrýpsııamee kúrestegi ASSA prınsıpteri» degen taqyrypta baıandama jasaıdy.
Al Qazaqstannyń salyq tóleýshiler qaýymdastyǵynyń basqarý keńesiniń tóraǵasy Jannat Ertilesova «Salyq tóleýdegi 2020 jylǵy trendter», «SARKA» ZTB tóraǵasy Oljas Satıev «Qarjy sektoryndaǵy zamanaýı shabýyldar» degen taqyrypta sóz qozǵamaq. Sondaı-aq sammıt barysynda ózge spıkerlermen birge «Qazaqstan ekonomıkasy tranzıtte, biz qaıda ushyp baramyz», «AQR shynynda da qorqynyshty ma», «ERP bolashaǵy» degen paneldik pikirsaıystarǵa qatysady dep josparlanýda
Almaty