Oblys О́zbekstanmen irgeles ornalasqandyqtan eki el arasyndaǵy saýda aınalymyn ulǵaıtyp, shekaradan ótetin jeke tulǵalarǵa qolaıly jaǵdaılar jasalǵan. Bul oraıda «Qazyǵurt», «Qaplanbek», «B.Qonysbaev», «Atameken» keden beketterin jańǵyrtý jumystary júrgizilýde.
Túrkistan oblysy boıynsha Memlekettik kirister departamenti ótken jyly bıýdjet josparyn 101,2 paıyzǵa oryndaǵan. Bıýdjetke naqty 194 mlrd 593 mln teńge túsim tústi. О́tken jyldyń qorytyndysymen elimiz boıynsha 2 oryndy ıelengen departament basshysy Dýlat Nurmoldınniń málimdeýinshe, respýblıkalyq bıýdjetke naqty 130 mlrd 442 mln teńge óndirilip, jospar 107%-ǵa oryndalǵan. Túsimderdiń ósý qarqyny aldyńǵy jylmen salystyrǵanda 39 paıyzǵa ósken. Budan ózge, memlekettik qyzmet kórsetý sapasyn arttyrý úshin oblystyń 16 memlekettik kirister basqarmalarynda 18 aqparatty qabyldaý, óńdeý jáne berý ortalyqtary ornalasqan. Al shekardan ótý ýaqyty boıynsha ótken jylǵy ındıkator 57 mınýtty quraǵan. Ortasha ýaqyty 35 mınýtqa jetkizilgen.
Kedendik beketter arqyly zańsyz esirtki tasymalyna qatysty «Qazyǵurt» keden beketinde - 16 quqyq buzýshylyq, «Jibek jolynda» - 11, «Qaplanbekte» - 4 jáne «Atameken» keden beketinde - 1 derek anyqtalǵan. «Jibek Joly» keden beketinde jalpy salmaǵy 12 keli bolatyn «geroın» jáne salmaǵy 3,522 keli «kannabıs smolasyn» iri kólemde jasyryn alyp ótý faktisi tirkelgen. Sonymen qatar, «Atameken» keden beketinde jalpy salmaǵy 2 keli «geroın» túrindegi esirtki zattarynyń kedendik baqylaýdan tys alyp ótý faktisi tirkelip, quqyq qorǵaý organdaryna tıisti shara qoldaný úshin joldandy», dedi department basshysy.