Atyraý oblysy ákiminiń burynǵy orynbasary Baqytgúl Hamenovanyń jazasy jeńildetildi. Hamenova jazasyn jabyq mekemede ótemeıtin boldy. Oǵan taǵaıyndalǵan bas bostandyǵynan aıyrý jazasy shekteý túrimen almastyryldy, dep habarlaıdy Egemen.kz.
Is 16 naýryzda Atyraý qalalyq №2 sotynda qaraldy. Buǵan deıin Hamenovaǵa berilgen jazany oryndaýdy keıinge qaldyrý merzimi 10 naýryzda aıaqtalǵan.
Sot málimetinshe, osy ýaqyt aralyǵynda Hamenova qoǵamdyq tártipti buzbaǵan, ákimshilik jaýapkershilikke tartylmaǵan jáne balasyn tárbıeleý mindetterin oryndaǵan. Osyǵan baılanysty, probasııa qyzmetiniń usynysy qanaǵattandyryldy.
Shyǵys Qazaqstanda eki vedomstvonyń laýazymdy tulǵalary jemqorlyqpen ustaldy
Aıta keteıik, 2021 jyldyń jeltoqsanynda Hamenova Abaı Qunanbaevqa eskertkish ornatý jobasyn iske asyrý kezinde 4,5 mıllıon teńge para alǵan degen kúdikpen ustalǵan. 2022 jyldyń qarashasynda sot ony sybaılas jemqorlyq qylmysy úshin kináli dep tanyp, jeti jylǵa bas bostandyǵynan aıyrý jazasyn taǵaıyndaǵan. Alaıda onyń balasy bolǵandyqtan, naqty jazany óteý úsh jylǵa keıinge qaldyrylǵan.
Shymkentte aýdan ákimi er adamdy soqqyǵa jyqty: Tártiptik is qozǵaldy