Memlekettik ortalyq mýzeıi 6 naýryz kúni saǵat 10.00 «Báıterek» Halyqaralyq mektep-lıseıimen birlesip, 8naýryz Halyqaralyq áıelder kúnine oraı «Áıelder qaýymyn búkil álem quttyqtaıdy» is-sharasyn ótkizedi.
Oqýshylardyń shyǵarmashylyǵyn damytý, ózara qarym-qatynas ornatý, elimizdiń tarıhy jáne mádenıetimen tanystyrý, sondaı-aq árbir úıdińshamshyraǵy – anaǵa, jalpy áıelge degen qurmetti qalyptastyrýdy maqsat etetin is-shara aıasynda «Kóktem keremeti» mektep qatysýshylarynyń shyǵarmashylyq jumystar kórmesi, «Áıelder qaýymyn búkil álem quttyqtaıdy» atty quttyqtaý konserti, «Danko» qoıylymynyń kórinisi, mýzeı boıynsha taqyryptyq ekskýrsııalar ótedi.
«Báıterek» mektep-lıseıi memlekettik standart pen Oksford bilim berý baǵdarlamasynyń (pánderdi aǵylshyn tilinde oqytylady) talaptaryna sáıkes ázirlengen oqý baǵdarlamasy boıynsha jumys isteıtin jańa úlgidegi bilim berý mekemesi bilimdi damytýǵa ǵana emes, sonymen qatar oqýshylardyń oılaý júıesin, oı-órisin keńeıtý maqsatynda túrli is-sharalarǵa(baıqaý, keskindeme kórmelerine) qatystyrýdy maqsat etedi. Atalǵan mekteptiń múmkindigi Antalıa (Túrkııa), Sankt-Peterbýrg (Reseı), Birikken Arab Ámirlikterindegi Amerıka ýnıversıtetiniń olımpıadalaryna qatysýǵa múmkindik beredi. 2018 jyldan IýNESKO-nyń qaýymdastyrylǵan mektepteri klýbynyń tolyqqandy múshesi.
Kórme aǵymdaǵy jyldyń 9 naýryzyna deıin jalǵasady.