О́tken senbi kúni Qazaqstannyń kezekti fýtbol maýsymy bastaldy. Jyldyń alǵashqy resmı matchynda byltyrǵy el chempıony «Astana» men Qazaqstan kýbogy ıegeri «Qaısar» Qostanaıdaǵy «Tobyl Arena» stadıonynda Qazaqstan sýperkýbogyn sarapqa saldy.
Bıylǵy maýsymdy jańa bas bapkermen bastaǵan «Astana» klýby ádetinen jańylmaı, jyldy jeńispen bastady. Olaı deýge negizgi sebep, elorda komandasy osymen úshinshi jyl qatarynan Sýperkýbok básekesinde eshkimge des bermeı keledi. Qostanaıda ótken matchta ulttyq qurama men «Astana» tizginin qolyna alǵan cheh Mıhal Bılektiń shákirtteri «Qaısar» komandasyn 1:0 esebimen jeńip ketti. Oıyndaǵy jalǵyz goldy matchtyń 40-mınýtynda «Astana» komandasyna maýsym aralyq úziliste qosylǵan kıprlik Pıeros Sotırıý soqty. «Qaısar» fýtbolshylary ekinshi taımda esepti teńestirýge qansha umtylǵanymen, bul oıynda olarǵa gol soǵý baqyty buıyrmaǵan eken.
Osylaısha, elorda komandasy Qazaqstan tarıhynda el Sýperkýbogyn qatarynan úshinshi, jalpy besinshi ret ıelengen jalǵyz komanda atandy. «Astana» buǵan deıin 2011, 2015, 2018 jáne 2019 jyldary top jarǵan bolatyn. О́tken maýsymda «Astana» el chempıony atansa, «Qaısar» Qazaqstan kýbogyn ıelengen-di.