19-28 aqpan aralyǵynda Reseı astanasy Máskeýde shahmattan «Aeroflot Open 2020» Halyqaralyq týrnıri ótip, baıraqty básekede 21 elden 97 sportshy baq synady. Olardyń 65-i Halyqaralyq dárejedegi grossmeıster bolsa, 30-y Halyqaralyq dárejedegi sport sheberi.
Qazaqstan quramasy sapynda «A» kategorııasynda synǵa túsken otandasymyz Rınat Jumabaev toǵyz kezeń qorytyndysy boıynsha jarystyń kúmis júldesin jeńip aldy. Týrnırdiń bas júldesin Ázerbaıjan shahmatshysy Aıdyn Sýleımanı ıelense, qola júlde taǵy bir ázerbaıjandyq grossmeıster Raýf Mamedovke buıyrdy.
Esterińizge sala keteıik, Rınat byltyr mamyr aıynda Tashkentte ótken aımaqtyq týrnırde top jaryp, qarasha aıynda AQSh-tyń Sent-Lýıs qalasynda ótken Winter chess classic týrnırinde ekinshi orynǵa turaqtaǵan-dy.