Túrkistan oblysy Shardara aýdany boıynsha ótken jyly 3559 otbasyǵa qarjylaı ataýly áleýmettik kómek berilgen. Ol otbasylardyń 2776-sy iri qara, 432-i ýaq mal asyraýdy qolǵa alsa, 54-i túrli baǵytta ózderiniń jeke kásipterin ashqan.
Jeke kásibin ashqandardyń biri Baýyrjan Álipbaev jańa kásip bastaýshy azamattarǵa arnalǵan grant arqyly 505 myń teńge utyp alyp, sol qarjyǵa dánekerleý isine qajetti kempı, argon, ınvertorly metaldy balqytyp biriktiretin apparattar satyp alǵan.
«Eńbek» baǵdarlamasymen 3 aı dánekerleýshi mamandyǵyn oqyǵan. Búginde aýylda synǵan kólikter men túrli tehnıkalardy jóndeýmen aınalysyp júrgen Baýyrjan Álipbaev kásipti bastaýyna memlekettik baǵdarlamanyń kómegi mol bolǵanyn aıtady. Buǵan deıin egin sharýashylyǵymen aınalysqan ol, búginde dánekerleýshi jumysyn da qolǵa alǵan. Jańa is bastaǵaly tabysy eselep artqan kásipker qorǵanǵa arnalǵan qaqpa jasaıtyn seh ashyp, kásibin keńeıtýdi josparlap otyr.
Túrkistan oblysy