Nur-Sultan qalasynyń bilim berý uıymdarynyń basshylyǵyna vırýstyq aýrýlardyń aldyn alý sharalaryn qabyldaý qajettiligi eskertildi. Sonymen qatar, qala ákimdigi ata-analardy resmı habarlamalardy qadaǵalap, áleýmettik messendjerlerde jalǵan aqparat taratpaýǵa shaqyrady.
«Qazirgi ýaqytta Bilim basqarmasy balalar densaýlyǵynyń qaýipsizdigin qamtamasyz etý maqsatynda kópshilikke arnalǵan mektepishilik is-sharalar men qalalyq mádenı sharalarǵa qatysýdy shekteýge keńes beredi. Sondaı-aq áleýmettik jeli chat-bottarynda vırýstyq aýrýlardyń aldyn alý boıynsha túsindirý jumystaryn júrgizý qajet. Bilim berý uıymdarynda sanıtarlyq talaptardy, atap aıtqanda bólmeni jeldetý, ylǵaldy tazartý, sý ishý rejımin saqtaý kerek», - deıdi Bilim basqarmasy basshysynyń orynbasary Rımma Imanǵazınova.
Onyń aıtýynsha, áleýmettik jelilerde taratylǵan bilim berý mekemelerindegi barlyq merekelik is-sharalar bolmaıdy degen aqparat shyndyqqa janaspaıdy.