О́tken jyly «Rýhanı jańǵyrý» baǵdarlamasynyń aıasynda óńirdiń bilim berý salasynda 124 joba júzege asyrylyp, salalyq ınfraqurylymdy damytýǵa, materıaldyq-tehnıkalyq jaǵdaıdy jaqsartýǵa, aýyldyq eldi mekenderge jas maman muǵalimderdi tartýǵa jalpy quny 289 mln teńge bolatyn qomaqty qarjy quıylǵan. Oblysta byltyr tek demeýshiler kómeginiń arqasynda ǵana 65 IT synyp, 30 robototehnıka kabıneti ashyldy.
Oblys ákimdiginde ótken jıynda baǵdarlamanyń atalmysh salada júzege asyrylý barysy talqylandy.
«Rýhanı jańǵyrý» baǵdarlamasy bizge mektep mýzeıleriniń kóptep ashylýyna múmkindik berip otyr. Sońǵy úsh jyldyń ishinde mektep janynan ashylǵan mýzeıler sany eki ese kóbeıdi. Máselen, Qostanaı qalasyndaǵy fızıka-matematıka lıseıiniń janynan byltyr ǵana ashylǵan ólketaný mýzeıi respýblıkalyq baıqaýda bas júldeni jeńip aldy. Bıyl Arqalyq qalasyndaǵy balalar men jasóspirimderge arnalǵan «Jas Ulan» ortalyǵynda sıfrlyq mýzeı ashylady, - dedi oblystyq Bilim berý basqarmasynyń basshysy Vasılıı Symbalıýk.
Qostanaı